दाङ, ९ भदौ । होटेल पौवा घोराहीका म्यानेजर केडी शर्माले जन्मदिनको अवसरमा बालकलाई सहयोग गर्नुभएको छ । होटेलका सुरक्षा गार्ड शिव शिर्पालीका ५ बर्षीय छोरा चुमान शिर्पालीको शिक्षाका लागि उहाँले चार हजार रुपैयाँ सहयोग गर्नुभएको हो ।
जन्मदिनमा अन्य खर्च नगरी बालकको शिक्षामा सहयोग गरेको शर्माले बताउनुभयो । चुमानको आमा नभएको र बुवाले मात्रै होटेलमै राखेर हुर्काउँदै आएकोमा अब शिक्षामा सहयोग मिलोस् भनेर जन्मदिनको खर्च कटौती गरी सहयोग गरेको उहाँले जानकारी दिनुभयो । ‘जन्मदिनमा अनावश्यक खर्च गर्नुभन्दा बालकको शिक्षामा सहयोग पुगोस् भनेर सहयोग गरेको हुँ,’ उहाँले भन्नुभयो-‘यसबाट बालकको शिक्षामा सहयोग मिलोस् भन्ने मेरो चाहना छ ।’
Advertisements
