तिर्थराज ज्ञवाली
पिपरी (देउखुरी), १० चैत । राप्ती गाउँपालिका वडा नं. ८ पिपरीका दुई कृषक समूहले आलु उत्पादनसम्बन्धी सार्वजनिक सुनुवाई गरेका छन् । संगीनी कृषक समूह र प्रगतिशील कृषक समूहले लागत तथा उत्पादनका वारेमा सार्वजनिक सुनुवाई गरेका हुन् ।
साना तथा मझौला कृषक आयस्तर बृद्धि आयोजना नेपालगञ्जको सहयोगमा राप्ती गाउँपालिकाको पिपरीमा सहकारीले व्यावसायिक आलु खेती गरिरहेका छन् । राप्ती गाउँपालिका वडा नं. ८ का वडा अध्यक्ष गोकर्णबहादुर राना मगर, रेशम रावत, कृषकहरु तथा साना तथा मझौला कृषक आयस्तर बृद्धि आयोजनाका जिम्मेवार पदाधिकारीहरुको उपस्थितिमा आम्दानी तथा खर्च प्रस्तुत गरिएको थियो ।
तिन चरणमा गरिएको सार्वजनिक सुनुवाई कार्यक्रम खायन आलुको खेतीबाट राम्रो आम्दानी भएको कृषकहरुले जानकारी दिएका छन् ।
Advertisements
